Ярим ҳимоячи Федерико Бернардески фаолиятини Шимолий Америкада давом эттиради. У "Торонто" билан шартнома имзолади, деб хабар беради МЛС жамоаси сайти.
Италия терма жамоаси футболчиси билан шартнома 2026 йилгача мўлжалланган.
Бернардески "Ювентус"да 2017 йилнинг июлидан бери ҳаракат қилиб келаётган эди. Футболчи 30 июнь куни Турин клубини текинга тарк этди.
Бернардески ўтган мавсумда барча мусобақаларда 35 та ўйинда майдонга тушиб, 2 та гол урди ва 6 та голли узатмани амалга оширди.
Эслатиб ўтамиз, аввалроқ “Торонто” яна икки италиялик: ҳимоячи Доменико Кришито ва ҳужумчи Лоренцо Инсинье билан шартнома имзолаганди.