"Фламенго" "Шанхай СИПГ" билан ярим ҳимоячи Оскарни сотиб олиш бўйича музокараларни бошлади, деб ёзди журналист Фабрицио Романо твиттерда.
Манбага кўра, "Челси"нинг собиқ футболчисини трансфер қилиш бўйича музокаралар олиб борилмоқда. 30 ёшли бразилиялик футболчининг амалдаги шартномаси 2024 йилнинг ноябригача мўлжалланган.
Эслатиб ўтамиз, шу ҳафтада "Фламенго" "Барселона", "Интер" ва "Ювентус"нинг собиқ футболчиси Артуро Видаль трансферини эълон қилган эди.