"Брюгге" ярим ҳимоячиси Шарл де Кетеларе "Милан" ва "Лидс" клубларининг қизиқишлари ҳақидаги маълумотларга изоҳ берди.
“Келажакда нима бўлишини билиш жуда қизиқ. Агар клублар менга қизиқиш билдирса, мен уларни тинглайман. Мен: "Агар қачондир "Брюгге"ни тарк этишимга тўғри келса, жуда қўрқаман", деб айтардим. Аммо ҳозир ҳаммаси бошқача. Агар жиддий таклиф тушса, мен тайёрман", - дея футболчининг сўзларини келтиради Eleven Sport.
Аввалроқ, 21 ёшли белгиялик учун пойгада "Лидс" етакчилик қилаётгани хабар қилинганди.
2021/22-йилги мавсумда Де Кетеларе “Брюгге” сафида 49 ўйинда 18 та гол урди ва 10 та голли узатмани амалга оширди.
