"Арсенал"нинг собиқ ҳужумчиси Пол Мерсоннинг фикрича, "Челси" "Манчестер Юнайтед" ҳужумчиси Криштиану Роналдуни сотиб олиш учун курашиши керак. Аввалроқ португалиялик футболчи "Олд Траффорд"ни тарк этиш ниятида эканлигини маълум қилганди.
"Челси"га жаҳон даражасидаги марказий ҳужумчи керак. Бундай футболчисиз улар АПЛда учинчи ўриндан юқорига кўтарила олмайди. Менимча, Криштиану Роналду уларга катта ёрдам беради. Лондонликларга жамоанинг ҳужумкор ҳаракатларини айнан шундай якунловчи керак", - дея Мерсоннинг сўзларидан иқтибос келтиради The Mirror.
Роналдунинг "қизил иблислар" билан амалдаги шартномаси 2023 йилнинг ўрталарига қадар тузилган. Аввалроқ, ҳужумчига "Бавария", "Барселона", "Рома" ва "Наполи" клублари қизиқиш билдираётгани ҳақида хабарлар тарқалган эди.
