Лондоннинг “Арсенал” клуби Германия Бундеслига жамоаси ҳимоячиси билан ўз таркибини кучайтирмоқчи. Журналист Жанлуиджи Лонгарининг ижтимоий тармоқларда ёзишича, "канонирлар" эътиборини Леверкузеннинг "Байер" клуби ҳимоячиси Эдмонд Тапсобга қаратмоқда.
Манбага кўра, "доришунослар" ўз футболчисини 60 миллион еврога баҳоламоқда, бироқ Микель Артета жамоаси Буркина-Фасо терма жамоаси футболчиси учун бу суммани тўлашга тайёр эмас. Клублар ўртасидаги музокаралар яқин орада бошланиши керак.
Ўтган мавсумда Тапсоба Германия чемпионатида битта гол урди. Футболчи 2020 йилнинг қишида "Витория Гимарайш" жамоасидан “Байер”га кўчиб ўтганди.
