"ПСЖ" бош мураббийи Кристоф Галтье жамоа ҳимоячиси Преснел Кимпембенинг "Челси"га ўтиши ҳақида фикр билдирди.
"Мен Кимпембе ҳақида айтилганларнинг ҳаммасини ўқидим. Бу ҳақда бирга кулиб ҳам қўйдик. Мен уни ёқтираман. У ажойиб марказий ҳимоячи, аммо кейин нима бўлишини билмайман", - деди Галтье L'Equipe билан суҳбатда.
Аввалроқ, 26 ёшли франциялик футболчи фаолиятини Лондон клубида давом эттиришга қарши эмаслиги ҳақида хабар берилганди. Transfermarkt томонидан Кимпембе 40 миллион еврога баҳоланган. Футболчининг Париж клуби билан амалдаги шартномаси 2024 йилнинг ёзига қадар тузилган.
Ҳимоячи ўтган мавсумда “ПСЖ” сафида 41 та ўйинда майдонга тушиб, 2 та гол ва 1 та голли узатмага муаллифлик қилган.
