"Нефтчи" ярим ҳимоячиси Шерзод Каримов клуб матбуот хизматига қисқача интервью бериб ўтди.

— В.Г.Левченко қўл остида таёргарлик жараёни давом этмоқда, биринчи давра якунланиб таътилдан қайтганимиздан сўнг асосий урғу жисмоний таёргарликларга қаратилган. "Янгиер"га қарши ўйин футболчиларга ўз формаларини тиклаб олиш учун ёрдам беради деб ўйлайман.

— Биринчи давра ўйинларида деярли майдонга тушмадингиз бу жароҳатларга боғлиқми?
— Шахсан мен учун мавсум аввалида Анталиядаги ўқув-йиғин жараёнлари аъло даражада ўтган эди, лекин мавсум бошлангач бош мураббий майдонга деярли қўймади. Тўғриси, мураббий мени нега таркибда туширмади ўзим ҳам билмайман, жароҳатим эса йўқ эди.

— Жамоа биринчи даврадан сўнг қуйи ўринларда бормоқда, бу эса фарғоналик бўлганингиз учун ҳам сизда икки карра босимни келтириб чиқаради. Бунга тайёрмисиз?
— Иккинчи даврадага таёргарлик жадал олиб борилмоқда, мухлисларни албатта хурсанд қиламиз. Ўзим «Нефтчи»га ёшлик даврларимдан бошлаб мухлислик қиламан, иккинчидан фарғоналик бўлганим учун ҳам фаолиятимни «Нефтчи»да якунлаш ниятим бор эди, клубнинг шонли тарихини албатта қайтаришга ҳаракат қиламиз.

Бундан ташқари иккинчи даврадан қадрдон «Истиқлол» стадионида ўйнаймиз, бу албатта бизни ҳам, мухлисларни ҳам қувонтиради. Мухлислардан стадионга келиб, «Нефтчи»ни қўллаб-қувватлашларини сўраб қоламан.
 
«Нефтчи» ПФК матбуот хизмати.