«Барселона» бразилиялик ярим ҳимоячи Рафинья билан шартнома имзолади. Фабрицио Романо хабар тарқатишича, «Лидс» ушбу трансфер учун 58 млн евро олади. Шунингдек, яна 10 млн евро бонуслар назарда тутилади.

Рафиньянинг ўзи эса кеча ижтимоий тармоқларда фаол бўлди ва «Барса»га ўтиши билан боғлиқ бир нечта суратларда Инстаграмга қўйди. Улар орасида қуйидаги сурат ҳам бор эди:

Бу сизга қайсидир суратни эслатмаяптими, мабодо?


Ҳа, бу ўша Килиан Мбаппенинг ёшлик чоғида тушган сурати: франциялик футболчи Криштиану Роналду ва «Реал»нинг ашаддий мухлиси бўлган пайтлар.

Мбаппедан фарқли ўлароқ Рафинья ўз орзусини амалга оширди ва "Барселона" сафига ўтди.

«Бу жамоада ўйнаш — мен учун катта шараф. Ушбу жамоа футболкасини кийиш бахтига муяссар бўлганимдан миннатдорман. Мен кўпгина кумирларим "Барселона"да ўйнаган ва клуб тарихидан ўрин олишган. Ҳеч бўлмаса улар эришган ютуқларнинг ярмини қўлга киритсам ҳам мен учун жиддий ютуқ бўлади. Болаликдаги орзум амалга ошди. "Барса" яна ўз тахтига қайтиши учун қўлимдан келган барча ишни қиламан», – деди бразилиялик футболчи тақдимот маросимида.