"Челси" ярим ҳимоячиси Тиемуэ Бакайоко "Марсель" билан шахсий келишувга эришди, деб хабар беради Foot Mercato.
27 ёшли Бакайоконинг “Челси” билан шартномаси 2023 йилнинг июнига қадар тузилган. У сўнгги икки мавсумни "Милан"да ўтказди ва у ерда ижара асосида ўйнади. 2021/22 йилги мавсумда у А Сериянинг 14 та учрашувида қатнашган, бироқ улардан атиги бештаси асосий таркибда майдонга тушган. "Челси" ўйинчига ортиқ ишонмайди.
Бакайоко "Марсель" раҳбарияти билан тўрт йиллик шартнома шартларини келишиб олди, бироқ айни дамда клуб бош мураббийи Игор Тудор футболчининг имзоланишига қарши. Шу ҳафтада клуб раҳбарияти мураббийни Бакайоко билан шартнома имзолаш фойдасига ишонтиришга ҳаракат қилади.