"Арсенал" бош мураббийи Микель Артета жамоанинг янги футболчиси, бразилиялик ҳужумчи Габриэль Жезус ҳақида фикр билдирди.
“Габриэль рақибга тартибсизлик ва ноаниқликни келтириб чиқаради. У доимо ҳушёр ва тўпни олиб қўйишга тайёр. Жезус - рақиб учун катта таҳдид, "Арсенал"га керак бўлган ўйинчи. Менга бундай ўйинчи жуда ёқади, у яхши тайёргарликка эга, ўзини қандай яхши ҳис қилишни билади ва ҳар қандай вазиятдан фойдаланишга қодир”, - дея хабар беради ESPN испаниялик мураббий.
Эслатиб ўтамиз, бразилиялик тўпурар ушбу ёзда "Манчестер Сити"дан "канонирлар" сафига кўчиб ўтганди.
