"Ювентус" "Интер"дан "Торино" ҳимоячиси Глейсон Бремерни илиб кетмоқчи, дея хабар беради Маттео Моретто.
Туринликлар футболчини тез орада жамоани тарк этиб, "Бавария"га ўтадиган Маттейс де Лигтнинг ўрнига яхши ўринбосар бўлишига ишонишмоқда.
Хабар қилинишича, 18 июль, душанба куни “Интер” раҳбарияти турин клуби вакиллари ва 25 ёшли бразилиялик билан Бремернинг трансфер шартномасини ёпиш учун учрашади.
2021/22 йилги мавсумда футболчи “Торино” сафида 33 та ўйинда майдонга тушиб, 3 та гол урди ва 1 та голли узатмани амалга оширди. Transfermarkt.com портали ҳимоячининг нархини 35 миллион еврога баҳоламоқда.