Остон Ўрунов “Спартак”ни тарк этса, маошини камайтиришга тайёр эмас.
Metaratings портали маълумотларига кўра, ярим ҳимоячида 3-4 вариант бор. Бироқ, 21 ёшли ҳамюртимиз Москва клуби билан шартномасига кўра оладиган маошини камайтиришни истамаяпти.
“Спартак” Ўрунов ижарага олинган тақдирда унга тўлиқ маош тўлашни режалаштирмаяпти, унга қизиқиш билдираётган клублар эса футболчининг молиявий эҳтиёжларини тўлиқ қондиришга тайёр эмас.
Шу боис “қизил-оқлар” футболчини ижарага беришдан эмас, сотишдан кўпроқ манфаатдор.
Ўрунов 2021/22 йилги мавсумни ижара асосида “Уфа”да ўтказган. Унинг “Спартак” билан шартномаси 2025 йилнинг ёзига қадар амал қилади.
