АҚШ терма жамоаси ва “Челси” ярим ҳимоячиси Кристиан Пулишич ўз миллий жамоасининг Қатарда бўлиб ўтадиган ЖЧ-2022даги имкониятларини баҳолади.
“Ўйлашимча, биз мусобақага жаҳон чемпионатида ғолиб чиқиш мақсади билан боряпмиз. Биз у ерга ишонч билан ва ғалабаларга чанқоқ ҳолда борамиз, ҳеч кимдан қўрқмаймиз. Бу турнирда яхши натижага эришишимиз мумкинлигини ҳис қиляпмиз.
Агар бирор нарсага ишонмасангиз, бу содир бўлмайди. Биз, албатта, ақл бовар қилмайдиган нарсаларни кўрдик ва бизда кучли жамоа, ҳамма нарсага эриша оладиган кучли йигитлар гуруҳи борлигига ишонаман", - дейди Пулишич.
Эслатиб ўтамиз, турнир 21 ноябрь куни бошланади. АҚШ терма жамоаси Англия, Уэльс ва Эрон терма жамоалари билан Б гуруҳида иштирок этади.