"Манчестер Сити" ярим ҳимоячиси Илкай Гюндоган А Серияга ўтиши мумкин. Футболчига "Ювентус" қизиқиш билдирмоқда.
Футболчининг инглиз клуби билан шартномаси бир йилдан кейин тугайди. “Шаҳарликлар” бош мураббийи Пеп Гвардиола “Сити” футболчи билан шартномани узайтирмаслигини аллақачон айтган эди.
“Манчестер Сити” Гюндоганни 25 миллион еврога баҳолаган. "Ювентус" яқин орада "шаҳарликлар"га таклиф билан чиқади, деб хабар беради Calciomercato.
Бироқ туринликлар «Арсенал» ва «Барселона»нинг қаршиликларига дуч келиши мумкин.