Мюнхеннинг "Бавария" клуби ҳужумчиси Жошуа Зиркзее "Болонья"га ўтиши мумкин.
Қайд этилишича, немис клуби 21 ёшли нидерланд учун тахминан 10 миллион евро сўрамоқда. Ҳужумчига "Аякс", ПСВ ва Премьер-лига клублари ҳам даъвогарлик қилмоқда.
Футболчининг “Бавария” билан шартномаси 2023 йилнинг июнида якунига етади.
Зиркзее ўтган мавсумда "Андерлехт"да ижара асосида ўйнаган. 47 учрашувда у 18 та гол урди ва 13 та голли узатмани амалга оширди ва гол+пас тизими бўйича клубнинг энг яхши футболчисига айланди.