"Реал Мадрид"нинг собиқ ҳужумчиси, ҳозирда "Интер Майами" клуби футболчиси Гонсало Игуаин Catalunya Radio нашрига берган интервьюсида "Барселона"нинг "Бавария" ҳужумчиси Роберт Левандовскини сотиб олганини юқори баҳолади.
"У икки йил олдин Чемпионлар лигасида ғолиб чиқди ва сўнгги ўн йилликнинг энг яхши ҳужумчиларидан бири эканлиги шубҳасиз. Ҳозирги футболда 50 миллион евро арзимас нарсадек кўринади. Илгари кимгадир 50 миллион евро тўлашнинг иложи йўқ эди.
34 ёшли футболчи учун 50 миллион тўлаш учун... У биринчи даражали бўлиши керак. Ўйлайманки, Роберт у жамоага жуда мос тушади. Хави уни энг зўр қилади. Футболда ёш йўқ. Бензема Чемпионлар Лигасида 15 та гол урди, неча ёшда? Роберт йиртқич ҳайвон. Менимча, "Барса" ажойиб трансферни амалга оширди", - деди Игуаин.
