"Лион" ҳужумчиси Мусса Дембелега Англия Премьер-лигасининг икки клуби қизиқиш билдирмоқда. Si нашрининг хабарига кўра, 26 ёшли франциялик футболчи учун курашда "Арсенал" ва "Манчестер Юнайтед" клублари тўқнаш келишади.
“Қизил иблислар” Дембелени келаси ёзда клуб билан шартномаси ниҳоясига етадиган португалиялик Криштиану Роналдуга муқобил вариант сифатида кўрмоқда.
"Канонирлар" эса яқинда бразилиялик Габриэль Жезус билан шартнома имзолаганига қарамай, Муссага қизиқиш билдиришмоқда.
Дембеле ўтган мавсум Франция чемпионатида 30 та ўйинда майдонга тушди. Унинг ҳисобида 21 та гол (5 таси пенальтидан) ва 4 та голли узатма бор.
