Суперлига 2-даврасига тайёргарлик олиб бораётган «Динамо» жамоаси таркибни кучайтириш ишларини олиб бормоқда.
«Динамо» клуби бугун, 19 июль куни ўзбекистонлик номдор ҳужумчи Марат Бикмаев билан шартнома имзолади. Унга кўра, Ўзбекистон миллий жамоасининг собиқ аъзоси, 36 ёшли форвард мавсум якунига қадар жамоамиз шарафини ҳимоя қилади.
Марат Бикмаев сўнгги йиллар давомида Тошкентнинг «Локомотив» ва «Пахтакор» клублари шарафини ҳимоя қилиб, Ўзбекистон чемпиони, кубоги ва суперкубоги соҳиби бўлган. Жорий мавсумнинг дастлабки қисмини эса Жиззахнинг «Сўғдиёна» клуби сафида ўтказиб, ОФК кубогида майдонга тушди.
Тажрибали ҳужумчи «Динамо»нинг Чирчиқдаги машғулотларига қўшилди.
