"Манчестер Юнайтед" бош мураббийи Эрик тен Хаг жамоага янги келиши мумкин бўлган футболчилар ҳақида гапирар экан, "Барселона" ярим ҳимоячиси Френки де Йонгни ўз жамоасида кўриш истаги борлигига ишора қилди. Бироқ нидерландиялик мутахассис ҳамюртининг исмини айтмади.
“Биз ҳимоявий ярим ҳимоячи сифатида ўйнай оладиган ўйинчи қидирмоқдамиз. Бу позицияда биз талаб қилаётган савияни кўрсата оладиган футболчилар кам. Агар шундай ўйинчи топа олмасак, ўз футболчиларимиздан яратишга ҳаракат қиламиз. Бизда ушбу ролга мос келадиган футболчини танлаб оладиган рўйхат бор", - дея Тен Хагнинг сўзларидан иқтибос келтирган The Athletic.
