"Манчестер Юнайтед" сардори ва ҳимоячиси Харри Магуайр мухлислар томонидан яна бир бор танқид қилинди.
Бу сафарги воқеа жойи Австралиянинг Мелбурн шаҳридаги стадион бўлди, унда "Юнайтед" "Кристал Пэлас" билан синов ўйини ўтказди.
Магуайр ўйинни сардорлик боғичи билан бошлади. Томошабинлар футболчини ҳар гал тўпга тегиниши билан ҳайқиришни бошлашди.
"Мен ҳуштакни эшитдим, лекин нима бўлганини билмасдим. Ўйлайманки, Харри бугун жуда яхши ўйнади", - дейди "Манчестер Юнайтед" ярим ҳимоячиси Донни ван де Бек.
Магуайр ўтган мавсумда бир нечта қўпол хатоларга йўл қўйди, шундан сўнг у мухлислар назаридан четда қолди.