"Фенербахче" ҳимоячиси Ким Мин Чжэ фаолиятини "Наполи"да давом эттиришга яқин турибди, дея хабар беради журналист Николо Скира.
Манбага кўра, неаполликлар 25 ёшли кореялик футболчини 19,5 миллион еврога сотиб олиш вариантини фаоллаштиришга тайёр. Италия клуби футболчига йилига 2,5 миллион евро маош билан 2027 йилнинг июнь ойигача шартнома таклиф қилмоқда.
Музокаралар якуний босқичда.
2021/22 йилги мавсумда Ким Мин Чжэ "Фенербахче" сафида барча мусобақаларда 39 та ўйинда майдонга тушиб, 1 та гол урди. Transfermarkt.com портали футболчининг нархини 14 миллион еврога баҳоламоқда.
