Журналист Марко Контерионинг хабар беришича, "Марсель" "Верона" ярим ҳимоячиси Дарко Лазович трансфери бўйича музокаралар олиб бормоқда.
Манба берган хабарга кўра, провансликларнинг янги бош мураббийи Игор Тудор 31 ёшли сербни сотиб олмоқчи. Тудор ўтган мавсумда футболчи билан "Верона"да ишлаган.
Музокаралар якуний босқичда. "Марсель" шу ҳафтада келишувни якунлаши кутилмоқда.
Ўтган мавсумда Лазович "Верона" сафида 35 та ўйинда майдонга тушиб, 2 та гол урди ва 7 та голга ассистентлик қилди. Transfermarkt.com портали футболчининг нархини 4 миллион еврога баҳоламоқда.
