"Рома" ҳужумчи Пауло Дибалани сотиб олганини расман эълон қилди. Аргентиналик ҳужумчи римликларга эркин агент сифатида йўл олди, чунки ўтган мавсум охирида унинг "Ювентус" билан шартномаси якунига етди.

"Рома" сафида Пауло Дибала 21-рақам остида тўп суради. Қизиғи шундаки, бу рақамни аввалроқ "бўрилар"нинг яна бир янги футболчиси Неманья Матич танлаганди. Сербиялик футболчи бу рақамни Дибалага бой берди ва у 8-рақамни олди, дея хабар беради Рим клуби матбуот хизмати.

Пауло Дибала Аргентина терма жамоасида ҳам 21-рақам остида ўйнайди. Шунингдек, аргентиналик футболчи "Ювентус"даги илк мавсумларида айнан шу рақам остида ўйнаган.