Каталониянинг "Барселона" клуби Жюль Кундени Лондоннинг "Челси" клубига ўтишга рози бўлмасликка чақирмоқда. Журналист Санти Аунанинг сўзларига кўра, "кўк-анорранглилар" франциялик футболчини қўлга киритиш умидини йўқотмаяпти.
Эслатиб ўтамиз, "Севилья" кеча "Челси"нинг 55 миллион евролик таклифини рад этган эди. Бироқ, Лондон клуби ҳимоячи сотиб олиш учун янги уринишлар қилишга тайёр.
"Барселона" муқобил вариантларни ҳам кўриб чиқмоқда. Катта эҳтимол билан Каталония клуби этиборини Матиас де Лигт трансферидан кейин жамоани тарк этиши мумкин бўлган "Бавария" ҳимоячиси Бенжамин Паварга қаратиши мумкин.
