"Челси"га янги келган Рахим Стерлинг 21 июль куни Тошкент вақти билан 04:30 да бўлиб ўтадиган "Шарлотт" жамоасига қарши ўртоқлик учрашувида жамоа сафида дебют қилади. Бу ҳақда матбуот анжуманида "кўклар" бош мураббийи Томас Тухель айтиб ўтди.
Эслатиб ўтамиз, Стерлинг аввалроқ 17-рақам остида тўп суриши маълум бўлганди. Англиялик футболчи мавсум олдидан ўтказиладиган ўртоқлик учрашувларда мана шу рақам остида тўп суради, бироқ расмий ўйинлар бошланиши билан футболчи бошқа рақамни олиши мумкин.
Стерлинг "Челси"га 50 миллион еврога тушди. Томас Тухель аввалроқ ушбу трансфер ойнасида англиялик футболчининг трансфери жамоа учун устувор вазифа эканини айтган эди.
