Миланнинг "Интер" клуби "Фиорентина" билан ҳимоячи Никола Миленкович трансфери бўйича расмий музокараларни бошлади. Бу ҳақда италиялик журналист Фабрицио Романо ижтимоий тармоқларда хабар бермоқда.
Қайд этилишича, "Интер" сербни шу ёзда сотиб олмоқчи. "Нерадзуррилар" "Торино"дан Глейсон Бремерни қўлга кирита олмагани учун Миленкович ҳимояни кучайтириш учун асосий трансфер мақсадига айланди.
Николанинг "Фиорентина" билан шартномаси тугашига атиги бир йил қолди. Шу фактни ҳисобга олсак, "бинафшаранглилар" раҳбарияти футболчини арзонлаштирилган нархда қўйиб юбориши керак.
