Ҳимоячи Жонатан Клаусс "Ланс"дан "Марсель"га кўчиб ўтди. 29 ёшли франциялик футболчи билан 2025 йилгача мўлжалланган шартнома имзоланган.
Ўтган мавсумда Клаус барча турнирларда 40та ўйинда майдонга тушиб, 5та гол ва 11та голга ассистентлик қилган. Шу йилнинг март ойида у Франция терма жамоасида дебют қилди.
Кеча, шунингдек, "Марсель" Испаниядан икки футболчи билан шартнома имзолаганини эълон қилди: дарвозабон Рубен Бланко "Сельта"дан ижарага олинган ва ҳужумчи Луис Суарес "Гранада"дан кўчиб ўтган.
Аввалроқ Клауссга "Челси" ва "Манчестер Юнайтед" қизиқиш билдираётгани ҳақида хабар берилганди.
