"ПСЖ" бош мураббийи Кристоф Галтье ёзда клуб яна бир футболчини сотиб олишини айтди.

"Клуб универсал бўлиши мумкин бўлган пистон ("пистон" - бутун қанот бўйлаб ўйнай оладиган қанот ҳимоячиси) қидирмоқда. Биз Эрик-Жуниор Дину-Эбимбени олдик, лекин у бу позиция ўйинчиси эмас. Албатта, ҳаммасини айта олмайман, лекин бир неча кундан кейин сафимизга яна бир футболчи келиб қўшилади деб ўйлайман”, — деди Галтье "Кавасаки" билан ўртоқлик ўйинидан (2:1) кейин матбуот анжуманида.

"ПСЖ" "Лейпциг"нинг ўнг қанот ҳимоячиси Норди Мукиелега қизиқиш билдирмоқда. 24 ёшли франциялик футболчининг клуб билан шартномаси 2023 йилнинг ёзида якунига етади.

Ўтган мавсумда у "Лейпциг" сафида 37 та ўйинда майдонга тушиб, 2 та гол урди ва 5 та голга ассистентлик қилди.