Каталониянинг “Барселона” клуби президенти Жоан Лапорта жамоанинг янги футболчиси – польшалик ҳужумчи Роберт Левандовскига мурожаат қилди.
"Роберт, салом. Барселонага бориш учун кўп куч сарфладингиз. Бизни танлаганингиздан фахрланамиз. Клубимизга сиз кераксиз ва сиздан умидларимиз кўп. Ишончим комилки, сиз буни енгишингиз мумкин", - деди Лапорта.
Эслатиб ўтамиз, 33 ёшли польшалик тўпурар Мюнхеннинг "Бавария" клубидан 45 миллион евро эвазига сотиб олинганди. "Кўк-анорранглилар" Левандовски билан 3 йиллик шартнома имзоладилар. Ҳужумчи аллақачон клубнинг АҚШдаги ўқув-йиғин машғулотларига етиб келган.
