"Аталанта" раҳбарияти "Интер"дан футболчи олмоқчи. Журналист Николо Скиранинг сўзларига кўра, “нерадзурри” ҳужумчиси Андреа Пинамонти бергамоликлар жамоасига ўтади.
Инсайдер хабарига кўра, "Аталанта" 23 ёшли футболчини сотиб олиш мажбурияти билан ижарага олишга тайёрлигини маълум қилган. Ўз навбатида, миланликлар Пинамонти сотувидан 20 миллион еврога яқин даромад олишни кутмоқда.
Ўтган мавсумда Андреа "Эмполи"да ижара асосида ўйнади. Ҳужумчи 37 та учрашувда иштирок этиб, 13 та гол урди ва 2 та голли узатмани амалга оширди.
