Голландич терма жамоаси ҳимоячиси Жон Хейтинга Евро-2012 гуруҳ босқичида Даниядан қабул қилинган мағлубият (0:1) ҳақида фикр билдирди.

"Мен бунча кўп вазиятлар яратиб, ғалаба қозона олмаганимизни эслай олмайман. Даниянинг ғалабаси - бу шунчаки мўъжиза. Улар яримта вазият содир этдилар ва урдилар. Бизнинг имкониятларимизнинг саноғига етиш қийин, аммо барибир гол ура олмадик.

Барибир бу бизнинг айбимиз, ўз вазифамизни бажара олмадик. Албатта вазиятлардан фойдалана олганимизда - ҳозир ғалабани нишонлаётган булар эдик. Бу  уларнинг омадими, ё бизнинг омадсизлигимизми, фарқи йўқ. Биз ура олмадик, бу жуда ёмон.

Энди хотиржамликни сақлаш ва тўрт кундан кейин бўладиган ўйинга тайёргарлик кўришимиз керак. Бу жанг бўлади ва бу табиий ҳол. Ечиниш хонасида шундай ҳолат. Бугунги  ўйинни осон ютишимиз керак эди, айниқса бундай кайфият билан. Энди немисларни ютишимизга тўғри келади", - дея Хейтинганинг сўзларини келтиради УЕФА матбуот хизмати.