"Манчестер Юнайтед" ҳужумчиси Криштиану Роналду фаолиятини Испанияда давом эттиришга қизиқиши оилавий вазият билан боғлиқ.

Diario Sport хабарига кўра, ҳужумчининг рафиқаси Жоржина ўзи катта бўлган Испанияга қайтишни истамоқда ва Мадрид унинг устувор йўналишлари рўйхатида биринчи ўринда туради. Роналдунинг ўзи ҳам "Реал Мадрид"га қизиқишини яширмади, аммо пойтахт клубидаги ҳозирги муҳитни ҳисобга олсак, ўтишнинг амалга ошиши даргумон.

Яна бир вариант "Атлетико" бўлиб турибди. Диего Симеоне жамоаси билан музокаралар олиб борилаётгани ҳақида маълумотлар бор эди.

Айни пайтда ҳужумчининг онаси Долорес Авейро ўғлини фаолияти бошланган “Спортинг Лиссабон” клубига қайтишини орзу қилади. "Манчестер Юнайтед"дан фарқли ўлароқ, "Спортинг" Роналдуга Чемпионлар лигаси йўлланмасини таклиф қилиши мумкин.