"Бавария" ҳимоячиси Бенжамен Павар фаолиятини Англия премьер-лигасида давом эттириши мумкин. Журналист Кристиан Фалкнинг ёзишича, Роберт Левандовскининг агенти Пини Захави футболчининг хизматларини Лондоннинг “Челси” клубига таклиф қилган.
Лондонликлар Антонио Рюдигер ва Андреас Кристенсен кетганидан кейин ҳимоя марказини кучайтиришлари керак. Бундан ташқари, Павар ўнг қанот ҳимоячиси позициясини ҳам ёпиши мумкин.
Бироқ, айни дамда "Челси"нинг устувор йўналишлари бошқа футболчилар - Жюль Кунде ва Преснел Кимпембедир. Агар ушбу ҳимоячилардан бири бўйича келишув амалга ошмаса, "кўклар" эътиборини Паварга қаратиши мумкин.
