Хабарингиз бор, пойтахтимиз Тошкент шаҳри оғир атлетика бўйича ўсмирлар ва ёшлар ўртасидаги Осиё чемпионатига мезбонлик қилмоқда.

Ҳозиргина қизлар ўртасида -71 кг вазн тоифасида А гуруҳи баҳслари якунланди. Унда терма жамоамиз аъзоларидан Дилноза Файзуллаева ва Гулшодахон Дадамирзаевалар иштирок этишди.

Даст кўтариш машқида Дилноза Файзуллаева ўзининг барча уринишларидан унумли фойдаланди (76, 80, 82) ва натижада кумуш медалга эга чиқди.

Силтаб кўтариш машқида эса Гулшодахон Дадамирзаевага омад кулиб боқди, у 97 кг вазнни ўзига бўйсундириб, кумуш медални қўлга киритди. Файзуллаева силтаб кўтариш машқида совринли ўринлардан қуруқ қолди.

Шунга қарамай иккикураш натижасига кўра Дилноза Файзуллаева бронза медали соҳибасига айланди.

Натижада Дилноза Файзуллаева 1та кумуш ва 1та бронза ҳамда Гулшодахон Дадамирзаева 1та кумуш медални мамлакатимиз спорт делегацияси ҳисобига қўшиб қўйишди.

Маълумот учун: оғир атлетика бўйича ўсмирлар ва ёшлар ўртасидаги Осиё чемпионати 25 июлга қадар давом этади.