The Athletic журналисти Девид Орнштейннинг хабар беришича, "Бавария" ҳимоячиси Крис Ричардс "Кристал Пэлас"га ўтишни якунлаш учун Лондонга учиб кетди.
Манба берган хабарга кўра, яқин орада 22 ёшли америкалик тиббий кўрикдан ўтади ва инглиз клуби билан 5 йиллик шартнома имзолайди.
Ричардсни сотиб олиш “Кристал Пэлас”га 12 миллион еврога тушади, трансфер суммаси бонусларни ҳисобга олган ҳолда 20 миллион еврога етиши мумкин.
Ричардс ўтган мавсумда "Хоффенхайм"да ижара асосида 21 ўйинда 1 гол ва 1 голли узатмани амалга оширган эди. Transfermarkt.com портали 22 ёшли америкалик футболчининг нархини 7,5 миллион еврога баҳоламоқда.