"Лейпциг" бош мураббийи Доменико Тедеско кеча "Ливерпул"га қарши ўртоқлик учрашувида жамоасининг 0:5 ҳисобида мағлубиятга учрагани ҳақида фикр билдирди.
"Ливерпул"нинг кучли томонлари ҳақида гапиришнинг маъноси йўқ, биз буни аллақачон яхши биламиз. Тўғрисини айтсам, 4 та автогол ўтказиб юбордик. Бу шунчаки асабийлаштирди” - деди Тедеско ўйиндан кейинги матбуот анжуманида.
"Лейпциг"га қарши ўйинда "Ливерпул"нинг янги аъзоси, аввалроқ иккита ўйинда гол ура олмаган Дарвин Нуньес покерга эришди. Битта голга эса Муҳаммад Салоҳ муаллифлик қилди.
