"Челси" бош мураббийи Томас Тухель ҳимоячи Сезар Аспиликуэтани жамоада сақлаб қолишга умид қилмоқда. "Барселона" 32 ёшли испаниялик футболчини ўз сафига қўшиб олмоқчи.

“Бу қийин савол, чунки мен Аспи хоҳлаган нарсани беришни хоҳлаётганимга ишончим комил эмас. Мен халқаро ўйинчи бўлган ва тахминан бир хил ёшда бўлган Кулибали учун қандай курашганимизни солиштирдим. У "Наполи" учун жуда муҳим футболчи эди, лекин бизда "Челси" сардори бўлган испаниялик футболчи бор. Мен уни бир хил даражада кўраман, лекин “Барселона” уни бу даражада кўрмайди. Шунинг учун мен унга хоҳлаган нарсани беришни хоҳлайманми ёки йўқми, билмайман, чунки у ажойиб ўйинчи. Бошқа клублар ҳақида унчалик ўйламаймиз. Диққат бизда ва бизга керак бўлган нарсада. Буни унга айтдим, лекин мен уни шахсий ва мартаба даражасида тушунаман.

Мен жамоа учун энг яхши нарсани қилишни хоҳлайдиган "Челси" мураббийиман. Унга бу ёқмайди, лекин тушунади", - дейди Тухель.

Аспиликуэтанинг амалдаги шартномаси 2023 йилнинг ёзига қадар мўлжалланган. Transfermarkt портали футболчининг нархини 9 миллион еврога баҳоламоқда.

Ўтган мавсумда Аспиликуэта барча мусобақаларда 47 та ўйинда майдонга тушиб, 3 та гол урди ва 3 та голга ассистентлик қилди. Унинг ҳисобида 5 та сариқ карточка ҳам бор.