“Севилья” ва Франция терма жамоаси ҳимоячиси Жюл Кунде “Барселона”га ўтмайди, деб ёзади журналист Фабрицио Романо ўз твиттерида.

Манбага кўра, Каталония клуби Лондоннинг “Челси” клуби билан рақобатга чидай олмагани учун футболчи учун курашишдан бош тортган. Инглиз клуби футболчи учун 65 миллион евро тўлашга тайёр. Кунденинг Англиядаги маоши йилига 9-10 миллион еврони ташкил қилади.

23 ёшли Кунде ўтган мавсумда "Севилья" сафида барча турнирларда 44 та ўйинда майдонга тушиб, 3 та гол урди ва битта голли узатмани амалга оширди. Унинг клуб билан шартномаси 2024 йилнинг ёзига қадар мўлжалланган.