Европа чемпионати “С” гуруҳидан ўрин олган Испания ва Италия терма жамоалари ўртасидаги учрашувидан сўнг Чезаре Пранделли Италия  мамлакати президенти Жоржо Наполитанонинг шахсан ўзи телефон қилиб жамоани табриклаганини маълум қилди.

“Ўйиндан сўнг шахсан президентимиз телефон қилиб жамоамизнинг биринчи бўлимдаги ўйинидан қониқиш ҳосил қилганини ва учрашув унга мақул келганини маълум қилди. У бизга миннатдорчилик билдирди”.

“Биз рақибимиз тезлаша бошлашлари билан испанларни прессингда ушлаб туришга уриндик. Уларда майдон марказида 5 та ўйинчи бор эди, бизда эса 3 та. Шу сабабли "бирга-бир" ўйнаш осон бўлмади.

“Мен Балотелли қулай вазиятдан фойдална олмасидан аввал Ди Наталени туширишга қарор қилиб бўлгандим. Ди Натале яратувчанликда устун, орқароқда ҳам яхши ўйнай олади. Уни майдонга тушириб хато қилмадим.

“Жаккерини ҳужумкор ўйинчилигини, бугун эса орқароқда ўйнаганини инобатга олсак, у ажойиб ўйнади. Даниэле Де Росси ҳам ўзининг вазифаларини тўғри бажарди, аммо у ҳали ҳимоя марказидаги ўйинга тўлиқ мослашиши лозим, дейди Пранделли "Спортс.ру" нашрига берган интервьюси чоғида.