"Ювентус" бош мураббийи янги мавсумда ҳужумчи Душан Влаҳовичдан нима кутаётганини айтди.
“Умид қиламанки, Влаҳович А сериядаги 30 та голли маррага эриша олади. Шу билан бирга, у чемпионатнинг тўпурарига айланмаслиги керак, чунки сўнгги йилларда тўпурар ҳеч қачон Скудеттони қўлга киритмаган", - дейди Аллегри.
Душан Влаҳович шу йилнинг январь ойида "Фиорентина"дан 80 миллион евродан кўпроқ пул эвазига "Ювентус"га ўтган эди. 22 ёшли серб трансфердан кейин “кекса синьора” сафида 21 ўйинда 9 та гол урди.
