"Арсенал" техник директори Эду Гаспар клубнинг трансфер бозоридаги ишлари ҳақида фикр билдирди.

Бу ёзда "канонирлар" янги ўйинчилар учун 140 миллион евродан кўпроқ сармоя киритдилар, бу Англия Премер-лигасидаги клублар орасида энг кўп. Бироқ Гаспар клубнинг бозордаги ишларини якунланган деб ҳисобламайди: "Бизда ҳали қиладиган ишлар кўп. Ҳозир трансфер ойнасининг ўртаси ва у ёпилгунча ҳамма нарса содир бўлиши мумкин. Биз ҳар қандай вазиятга тайёрмиз. Олдимизда янги имкониятлар очилиши мумкин”, - дея бразилияликнинг сўзларини келтиради журналист Фабрисио Романо.

Эслатиб ўтамиз, июль ойи бошидан буён "Арсенал" сафига Габриэль Жезус, Александр Зинченко, Фабио Виейра, Метт Тёрнер ва Маркиньос келиб қўшилди.