Эрон ҳукумати аёлларга бар, кафе ёки ресторанларда эркаклар билан бир жойда ўтириб, Евро-2012 ўйинларини томоша қилишни тақиқлади. Ҳукумат вакилининг айтишича, биргаликда футбол томоша қилиш - аёлларни маънавий ахлоқига зарар етказиши мумкин экан.

"Эркак ва аёлларни биргаликда футбол томоша қилишлари - йўл қўйиб бўлмас ҳолатдир.  Эркаклар ўйинларни кўриш пайтида эхтиросларга бериладилар, ўзларини тута олмайдилар ва беҳаё гаплар, ҳазилларга йўл қўядилар. Аёллар эркаклар орасида футбол кўрмасликлари шарт. Бу қарор туфайли улар биздан миннатдор бўлишлари керак” - деди полиция бошлиғи Бахмана Қоргар.