"Наполи" "Интер"дан ёш ҳужумчини сотиб олмоқчи. Журналист Даниеле Вителло хабарига кўра, Неапол клуби сўнгги соатларда Андреа Пинамонти трансфери борасида "нерадзуррилар"га мурожаат қилган.
Эслатиб ўтамиз, италиялик ҳужумчи узоқ вақтдан бери «Аталанта»нинг трансфер мақсади бўлиб келган, аммо Бергамо клуби «Интер» билан шартнома шартлари бўйича ҳалигача келиша олмади. Пинамонти аввалроқ "Монца"га ўтишдан бош тортган.
Пинамонти ўтган мавсумда "Эмполи"да ижара асосида ўйнаганди. Италия А сериясидаги бутун мавсум давомида ҳужумчи 13 та гол урди. Улардан бири “Интер” дарвозасига.