"Napoli" "Inter"dan yosh hujumchini sotib olmoqchi. Jurnalist Daniyele Vitello xabariga ko‘ra, Neapol klubi so‘nggi soatlarda Andrea Pinamonti transferi borasida "neradzurrilar"ga murojaat qilgan.
Eslatib o‘tamiz, italiyalik hujumchi uzoq vaqtdan beri «Atalanta»ning transfer maqsadi bo‘lib kelgan, ammo Bergamo klubi «Inter» bilan shartnoma shartlari bo‘yicha haligacha kelisha olmadi. Pinamonti avvalroq "Monsa"ga o‘tishdan bosh tortgan.
Pinamonti o‘tgan mavsumda "Empoli"da ijara asosida o‘ynagandi. Italiya A seriyasidagi butun mavsum davomida hujumchi 13 ta gol urdi. Ulardan biri “Inter” darvozasiga.