Журналист Фабрицио Романо ўзининг подкастида Лондоннинг "Челси" клуби яқин кунларда трансфер бозорида жиддий фаол бўлишини айтди.
Эслатиб ўтамиз, айни дамда "кўклар" "Севилья"дан Жюль Кунде ва "ПСЖ"дан Преснел Кимпембе трансфери бўйича келишувлар устида ишламоқда, бироқ айни пайтда "аристократлар" бу футболчилардан бирини қўлга киритишдан ҳали узоқда.
Аввалроқ, «Челси» бош мураббийи Томас Тухель клубнинг трансфер ойнасидаги фаолиятидан нолиганди.
Шу кунгача жамоа фақат икки футболчи - Калиду Кулибали ва Рахим Стерлинг билан шартнома имзолади. Тухель "Челси"да яна иккита ҳимоячи ва бир ҳужумчи билан шартнома имзоламоқчи.
