Лондоннинг "Челси" клуби агар "Севилья" ҳимоячиси Жюль Кунденинг трансфери бўйича "Барселона"га имкониятни бой берса, клуб раҳбарияти учта муқобил вариантни кўриб чиқади. Журналист Низар Кинселла хабарига кўра, булар "ПСЖ" футболчиси Преснел Кимпембе, "Интер" футболчиси Милан Шкриньяр ва "Лейпциг" футболчиси Йошко Гвардиол.

Қизиғи шундаки, бу трансферларнинг ҳар бирини амалга ошириш жуда қийин бўлади. Шкриньярни "ПСЖ" сотиб олмоқчи, "Лейпциг" Гвардиолни қўйиб юбормоқчи эмас, Кимпембе эса ўша "ПСЖ"да қолиб, асосий таркибдан жой учун курашни давом эттириш ниятида.

Эслатиб ўтамиз, аввалроқ "Челси" бош мураббийи Томас Тухель клубнинг трансфер бозоридаги фаоллигидан шикоят қилган эди.