Англия Премьер-лигаси дебютанти “Ноттингем Форест” навбатдаги трансферига яқин турибди. Журналист Давид Орнштейннинг ёзишича, "ўрмончилар" Германиянинг "Штутгарт" клуби футболчиси Орел Мангални трансфер қилиш бўйича келишувга эришган.
Шу билан бирга, томонлар трансфернинг якуний тафсилотлари, жумладан, тўловлар ва бонуслар муддатини келишиб олишлари керак. Келишув "Ноттингем Форест"га 15 миллион еврога тушиши керак.
Мангала ўтган мавсум Германия Бундеслигасида 28 ўйинда майдонга тушди. Ушбу учрашувларда франциялик ҳимоячи битта гол урди ва учта голли узатмани амалга оширди. Март ойида Орел 24 ёшга тўлди.
