Ушбу ёзда "ПСЖ" бош мураббийлигига тайинланган 55 ёшли франциялик мутахассис Кристоф Галтье ушбу трансфер ойнасида жамоага яна қанча футболчи қўшилиши мумкинлигини айтди.
“Клуб кучайиш устида ишламоқда. Ҳозир самолётга ўтирамиз, 12 соат учамиз, бироз ухлаймиз, етиб боргач, бир-икки, балки уч, тўрт ёки бешта янги ўйинчи бизга қўшилади. Келгуси ҳафта нима бўлишини кўрамиз", - деди Галтье.
"ПСЖ" Япониядаги мавсумолди сафарини "Гамба Осака" устидан 6:2 ҳисобидаги ғалаба билан якунлади.
Эслатиб ўтамиз, аввалроқ парижликлар ярим ҳимоячи Витиньони, "Реймс"дан ҳужумчи Уго Экитикени сотиб олган ва ҳимоячи Нуно Мендешни сотиб олиш вариантидан фойдаланганди.
