Андрей Шевченко келажакда Украина Футбол Ассоциацияси президенти бўлиш имкониятини кўриб чиқмоқда. Бу ҳақда “ТаТоТаке” бошловчиси Михаил Спиваковский хабар бермоқда.
Унга кўра, терма жамоанинг собиқ устози бу ўринни эгаллашни истаган, бироқ қайси муддат ҳақида гап кетаётгани номаълум. Эслатиб ўтамиз, "Женоа"дан четлатилганидан кейин Шевченко олти ойдан бери ишсиз юрибди.
Бундан ташқари, Спиваковскийнинг сўзларига кўра, Шевченконинг Андрей Павелко билан низоси музлатилган. Эслатиб ўтамиз, 2021 йилнинг август ойида афсонавий футболчи кутилмаганда Украина терма жамоаси мураббийлигидан кетган эди.