Англия терма жамоаси бош мураббийи Рой Ҳоджсон Евро-2012нинг гуруҳ босқичи датлабки турида Франция қарши кечган баҳс (1:1)дан сўнг ўз фикрлари билан ўртоқлашди.

"Биз энг яхши терма жамоалардан бирига қарши яхши ўйнадик. Французларда биз билан ўйинда қийинчиликлар вужудга келди. Мен ушбу натижадан қониқдим.

Франция яхши жамоага эга. Вақти-вақти билан уларни саросимага солдик, дарвозамиз олдида эса у қадар хавфли вазиятлар юзага келмади. Агар омад сал кулиб боққанида, биз иккинчи голни ҳам киритишимиз мумкин эди.

Ҳакам ҳам ўйинни жуда яхши бошқарди. Менимча, ҳакамлик мавзусига тегинмаганлик маъқул.

Окслейд-Чемберлен ҳам яхши ўйнади, у рақиб дарвозасига хавф солди. Алекс ўзининг ўйинидан рози бўлиши керак. Қайд этиш керакки, натижага эришиш учун барча футболчилар қўлларидан келганини қилишди.

Франция гуруҳимизда фаворитлигича қолади, бироқ Швеция ва Украинани ҳам ёддан чиқрмаслик зарур", – деди Ҳоджсон BBCга.